• Familia zuzenbidea. Aurren zaintzarako hitzarmenak, dibortzio eta banaketak, ondare komunaren likidazioa, hitzarmenen ez betetzeak, hitzarmenen aldaketa prozesuak,…
• Indarkeria matxista kasuak. Bikote barnean ematen den indarkeria fisikoa, psikologikoa eta ekonomikoa, bikote harremanez kanpo ematen diren indarkeria mota desberdinak (sexu erasoak, jazarpena, mehatxuak, argazki intimoak argitaratzea, etab.), baita ere, emakumeen kontra egindako beren seme alaba eta senideen kontrako erasoak.
•  Zuzenbide penala. Delitu desberdinen aurreko defentsa eta akusazioa.
• Zuzenbide zibila. Ondarearekin zerikusia duten gaiak (etxebizitza alokairua, likidazioa, kontsumitzaileen eskubideak etab.), dibertsitate funtzionala duten pertsonen gaitasunei buruzko prozedurak, gurasotasun eta filiazio gaiak, sexu bereko pertsonen artean sortutako familiek pairatzen dituzten gatazka legalen artatzea, etab.
• Atzerritartasunarekin zerikusia duten gaiak. Lege irregulartasunean bizi diren pertsonen erregularizazio prozesuak.
• Lan Zuzenbidea. Kaleratzeak, hitzarmen eta legean jasotako eskubideen betearaztea, kantitate erreklamazioak, lan jazarpen edo mobbing kasuak, eskubideen inguruko negoziaziotarako aholkularitza. Genero marka duten kasuen artatze espezializatua.

Gai konplexuei buruzko informazio juridikoa eskaintzen dugu: banaketa, dibortzioa, emakumeen kontrako erasoei buruzko prozesu penalak, dibortzio prozesuetatik sortutako gatazkak, mantenu pentsioen ordainketa ezak, bisita erregimenen ez betetzeak, atzerritartasunarekin lotutako arazoak, etxeko langile zein gainontzeko langile emakumezkoen kaleratzeak, diskriminazio kasuak, eskubideei buruzko informazioa, laguntza sozialak eta bestelako kontsultak. Zerbitzu hau emakumeen etxe edo udaletako berdintasun sailen bitartez eskaintzen da normalean.

Gai juridiko desberdinen gaineko ikerketa lanak egiten ditugu bezeroaren eskaera eta beharren arabera.

Jendartearen interesekoak diren gai juridikoen gaineko formazio saioak eskaintzen ditugu, hizkuntza ulerterraz eta kasu praktikoen bitartez, gai arrotzak modu errazean barneratzeko. Adibidez, indarkeria matxistaren tratamendu judizialaren ingurukoa, familien konfigurazio legalaren ingurukoak, etab.